જો તમે પોસ્ટ ઑફિસની ફિક્સ્ડ ડિપોઝિટ (FD), પબ્લિક પ્રોવિડન્ટ ફંડ (PPF), નેશનલ સેવિંગ્સ સર્ટિફિકેટ(NSC)ની સ્કીમમાં રોકાણ કરો છો તો આ સમાચાર તમારા માટે છે. સરકારે નાણાકીય વર્ષ 2025-26ના બીજા ક્વાર્ટર (જુલાઈથી ડિસેમ્બર) માટે સ્મોલ સેવિંગ્સ સ્કીમ્સના વ્યાજદરોમાં કોઈ ફેરફાર કર્યા નથી. આમ સતત છઠ્ઠું એવુ ક્વાર્ટર છે કે, જેમાં સરકારે આ સ્કીમના વ્યાજદર યથાવત્ રાખ્યા છે.

સ્મોલ સેવિંગ્સ સ્કીમ્સ પર વ્યાજદર યથાવત્

નાણા મંત્રાલયે આજે સોમવારે (30 જૂન) જાહેર કરેલા નોટિફિકેશનમાં જણાવવામાં આવ્યું છે કે, 1 જુલાઈ 2025થી 30 ડિસેમ્બર 2025 સુધી ત્રિમાસિક માટે વિવિધ સ્મોલ સેવિંગ્સ સ્કીમ્સ પર વ્યાજદર પહેલાની જેમ જ રહેશે. એટલે કે અગાઉ 1 એપ્રિલથી 30 જૂન, 2025 સુધીમાં જે વ્યાજદર લાગુ હતા એ પ્રમાણે રહેશે.

સ્કિમ પ્રમાણે વ્યાજદર


સુકન્યા સમૃદ્ધિ યોજના 8.20% દીકરીના નામે રોકાણ કરતાં પરિવારો માટે શ્રેષ્ઠ


ત્રણ વર્ષની ટર્મ ડિપોઝિટ 7.10% સ્થિર વળતર આપતી FD

PPF 7.10% ટેક્સ બચત અને લાંબા ગાળાના રોકાણ માટે લોકપ્રિય

પોસ્ટ ઑફિસ સેવિંગ્સ એકાઉન્ટ 4% લિક્વિડ સેવિંગ માટે

કિસાન વિકાસ પત્ર (KVP) 7.50% 115 મહિનામાં પાકતી મુદત

NSC 7.70% મધ્ય-ગાળાના રોકાણ માટે વિશ્વસનીય

માસિક આવક યોજના (MIS) 7.40% માસિક આવક શોધી રહેલા નિવૃત્ત અથવા વરિષ્ઠ નાગરિકો માટે


તમને જણાવી દઈએ કે, સરકારે છેલ્લે વર્ષ 2023-24ના ચોથા ક્વાર્ટરમાં સ્મોલ સેવિંગ્સ સ્કીમ્સના વ્યાજદરમાં ફેરફાર કર્યા હતા. આ પછી સતત છ ત્રિમાસિક સુધી કોઈ પરિવર્તન કર્યો ન હતો. તેના પરથી એવું લાગે છે કે, હાલ આ યોજનાને સ્થિર રખાશે. મોંઘવારી અને વ્યાજદરોની વૈશ્વિક સ્થિતિને ધ્યાન રાખીને આ પ્રકારે નિર્ણય લેવાયો હોવાની આશંકા છે.